Лукашэнка паабяцаў Грыбаўскайтэ зарэгістраваць усіх кандыдатаў
А літоўская прэзідэнт выказала гатоўнасць абараняць інтарэсы Беларусі ў Еўрасаюзе.
Беларусь імкнецца правесці прэзідэнцкія выбары не горш за папярэднія.
Пра гэта заявіў Аляксандр Лукашэнка на прэс-канферэнцыі па выніках
перамоваў з прэзідэнтам Літвы Даляй Грыбаўскайтэ.
Па словах Лукашэнкі, якія пераказвае БелаПАН,
улады Беларусі зацікаўленыя ў тым, каб зарэгістравалі ўсіх кандыдатаў у
прэзідэнты. Як паведаміла спн.Грыбаўскайтэ, на перамовах Лукашэнка
паабяцаў ёй, што будуць зарэгістраваныя ўсе кандыдаты і што на выбарах
будуць прысутнічаць назіральнікі.
Прэзідэнт Літвы адзначыла, што яе краіна зацікаўленая ў паляпшэнні адносін з Беларуссю. Як перадае БЕЛТА,
Грыбаўскайтэ нагадала, што Літва з'яўляецца чальцом ЕС і ў наступным
годзе будзе старшыняваць у АБСЕ. У гэтых рамках Літва жадае дапамагчы
Беларусі быць больш адкрытай і прызнанай у Еўропе.
Фота: nn.by
