Старшыня Еўракамісіі павіншаваў Франсуа Аланда з перамогай на выбарах
Жазэ Мануэл Барозу перадаў пераможцу другога тура прэзідэнцкіх выбараў у Францыі свае "найлепшыя пажаданні".
"У нас пэўна ж ёсць агульная мэта: актывізаваць еўрапейскую эканоміку для забеспячэння ўстойлівага росту", — цытуе словы Барозу "Франс Прэс". Таксама кіраўнік Еўракамісіі сказаў, што спадзяецца на далейшую інтэграцыю еўрапейскіх краін пры ўдзеле Аланда.
Нагадаем, сацыяліст Франсуа Аланд абраны новым прэзідэнтам Францыі. У другім туры выбараў ён перамог дзейнага прэзідэнта Нікаля Сарказі.
Фота — Reuters
