Сёння будуць судзіць удзельнікаў акцыі салідарнасці ў Магілёве
Двое ўдзельнікаў акцыі салідарнасці з беларускімі палітвязнямі, якая адбылася ў Магілёве 16 студзеня, атрымалі позвы ў суд на сёння.
Адміністрацыйную справу супраць сябра партыі БНФ Валянціна Лабачова і беспартыйнай шматдзетнай маці Наталлі Шкадун разгледзіць суд Ленінскага раёна Магілёва сёння. Працэс будзе весці суддзя Галіна Кужалева.
Лабачова і Шкадун вінавацяць ва ўдзеле ў несанкцыянаваным пікетаванні. Матэрыялы да суда рыхтаваў супрацоўнік Ленінскага райаддзела міліцыі маёр Андрэй Цецярукоў.
