У Гродне за антысанітарыю могуць зачыніць начныя клубы
Прадстаўнікі гарвыканкаму правялі начныя рэйды па забаўляльных установах абласнога цэнтра.
Вынікам сталі папярэджанні за бруд, антысанітарыю і парушэнне пажарнай бяспекі. Як піша газета "Вечерний Гродно", прадпісанні выпісаныя клубам "Пушкін" і "Кайман", дзе ролетамі былі заблакаваныя запасныя дзверы.
Атрымалі прадпісанні і яшчэ некалькі гульнявых установаў. Праверкі выявілі бруд вакол установаў і на сценах, адсутнасць сметніцаў, пыл, неахайныя прыбіральні. Звярнулі яны ўвагу і на тое, што ва ўстановах няма начных прыбіральшчыцаў.
Фота — fedpress.ru
