З замежным гандлем можа атрымацца "як заўжды"
Кіраўнік Нацбанка Пётр Пракаповіч сумняваецца, што да 2015 года Беларусь выйдзе на станоўчае сальда замежнага гандлю.
Выступаючы сёння на паседжанні Прэзідыўма Саўміна, Пракаповіч звярнуў увагу на тое, што запланаваныя на 2011-2015 гады тэмпы росту экспарту і імпарту практычна супадаюць (розніца ўсяго толькі 0,1% на карысць экспарту). У гэтай сітуацыі пераадолець адмоўнае сальда, якое летась дасягнула амаль 10 млрд долараў, падаецца кіраўніку Нацбанка праблематычным.
"Якія гарантыі могуць быць, што будзе не тое ж самае, што і раней?" - задаў рытарычнае пытанне Пракаповіч.
Фота: oszone.net
