Сайт Лукашэнкі штодня наведваюць каля 8 тысяч чалавек

Аляксандр Лукашэнка ведае пра ўсё, што адбываецца ў Інтэрнэце.
Пра гэта заявіў у інтэрв’ю «Белорусским новостям» кіраўнік яго прэс-службы Павел Лёгкі. У той жа час ён не змог адказаць на пытанне, падабаецца Лукашэнку яго сайт альбо не.

Прэс-служба кіраўніка дзяржавы сцвярджае, што на мінулым тыдні яго сайт штодня наведвалі каля 8 тысяч чалавек, а ў сярэднім у месяц пачытаць дэкрэты і прамовы Лукашэнкі прыходзіць каля 7 тысяч чалавек. Дарэчы, нядаўна на ім з’явілася беларускамоўная версія.