Школьнік скокнуў з дамбы Лепельскай ГЭС і загінуў (фота)
Трагічнае здарэнне адбылося каля 12-й гадзіны 20 траўня.
Як паведамляе прэс-служба МНС, выратавальнікаў выклікала жанчына, якая ўбачыла, як чалавек скокнуў з дамбы ў раку Ула і не ўсплыў. Высветлілася, што патануў вучань 9-га класа Лепельскай сярэдняй школы. Яго цела знайшлі ў 20 метрах ад дамбы на глыбіні 2-х метраў.
Прычына ўчынку хлопца пакуль невядомая.
Фота — 112.by
