У Магілёве ў 16-ы раз праходзіць фестываль "Магутны Божа"

16-ы міжнародны фестываль духоўнай музыкі "Магутны Божа" праходзіць у Магілёве. У ім удзельнічаюць творчыя калектывы і выканаўцы (іх каля 800 чалавек) з дзевяці краін - Беларусі, Украіны, Расіі, Польшчы, Нямеччыны, Балгарыі, ЗША. Арганізатары фестывалю падкрэсліваюць, што на працягу тыдня жыхары Магілёва і госці горада атрымаюць магчымасць дакрануцца да высокага мастацтва сакральнай музыкі, якая нясе дабро, шчасце і каханне.

Як адзначае тэлеканал СТВ, праграма "Магутнага Божа" ўключае тэатральныя пастаноўкі, харавы і сольны вакал, арганную музыку і перазвон званоў.