У Верхнім горадзе ў Мінску знайшлі пломбы з партрэтамі беларускіх князёў

14 пломбаў, зробленых са сплаву свінцу і волава, з партрэтамі беларускіх князёў знайшлі археолагі ў Верхнім горадзе ў Мінску. Мяркуецца, што на некаторых з іх адлюстраваныя мінскі князь Глеб і яго сын Расціслаў. Акрамя пломбаў, знойдзеныя два візантыйскія нацельныя крыжыкі.

Агенцтва «Мінск-навіны» паведамляе, што на тэрыторыі, дзе былі зробленыя знаходкі, у старажытнасці размяшчаліся гандлёвы падворак і прыватная сядзіба.