У Віцебскім раёне ўжо трэція суткі шукаюць зніклага школьніка
Жыхар пасёлка Кастрычніцкі Уладзіслаў Бразгуноў пайшоў на пошту каля 16-й гадзіны 18 студзеня і не вярнуўся.
Вучня шостага класа выхоўвае бабуля. Яна папрасіла яго забраць пасылку, дала хлопчыку свой пашпарт і пластыкавую банкаўскую картку для аплаты паштовых паслугаў. Пасылку школьнік атрымаў, але больш яго ніхто не бачыў.
БЕЛТА адзначае, што ў школе хлопчыка характарызуюць станоўча, у яго не было там канфліктаў, як і дома. Пошукі ў Кастрычніцкім пакуль не далі выніку, іх вядуць і ў наваколлі.
Фота — bymedia.net
