У ЗША нарадзілася дзіця з замарожанага 20 гадоў таму эмбрыёна

 У амерыканскім штаце Вірджынія з'явілася на свет дзіця з эмбрыёна, які 20 гадоў  захоўваўся ў замарозцы. У 1990 годзе да лекараў за дапамогай звярнулася бясплодная пара. У рамках працэдуры ЭКА былі атрыманыя пяць эмбрыёнаў, адзін з якіх быў выкарыстаны біялагічнымі бацькамі, а астатнія - замарожаныя. Праз 19 гадоў і 7 месяцаў пасля замарожвання на момант адкрыцця камеры выжылі толькі два з чатырох эмбрыёнаў. Яны былі перасаджаныя ў матку 42-гадовай жанчыны, якая на працягу 10 гадоў праходзіла лячэнне ад бясплоддзя.

 З двух эмбрыёнаў прыжыўся адзін. У выніку шчаслівая амерыканка нарадзіла цалкам здаровага хлопчыка, паведамляе БЕЛТА.

На сённяшні дзень гэта самы доўгі тэрмін захоўвання эмбрыёна, які завяршыўся нараджэннем здаровага дзіцяці.