Вярхоўны прадстаўнік ЕС занепакоеная сітуацыяй з Саюзам палякаў у Беларусі

Вярхоўны прадстаўнік Еўрасаюза па пытаннях агульнай палітыкі і бяспекі Кэтрын Эштан "падзяляе занепакоенасць" у сувязі з сітуацыяй вакол польскай нацыянальнай меншасці ў Беларусі. Па звестках БелаПАН, пра гэта яна заявіла 10 лютага ў тэлефоннай гутарцы з міністрам замежных справаў Польшчы Радаславам Сікорскім. Па словах Эштан, яна гатовая падняць гэтае пытанне "у гутарцы з беларускімі ўладамі".

Дзеянні ўлад у стаўленні Звяза палякаў у Беларусі сталі галоўнай тэмай гутаркі Эштан з Сікорскім. Бакі абмеркавалі магчымую рэакцыю Еўрасаюза на падзеі.