Герман Мюнтзінг: "Я люблю цішыню за тое, што ніколі няма цішыні"

"Вы бачылі гэты апарат?!" - усхвалявана запытаўся ў мяне прэс-сакратар "Ансаунд" Зміцер Блян. - "Абавязкова паглядзіце!". І ён павёў мяне ў канец залы, дзе і размясціўся шведскі музыка Герман Мюнтзінг. Інтэлігентны, вытанчаны і "эксперыментальны" спадар Герман распавёў пра тое, як граць напільнікамі, слухаць цішыню і жыць без мабільніка... ЕРБ: Вітаю! Прадстаўцеся калі ласка...

Герман Мюнтзінг (ГМ): Я Герман Мюнтзінг. Прыехаў я з Швецыі. Граю эксперыментальную музыку, а таксама выкладаю імправізаваную музыку ў музычнай акадэміі ў Швецыі.

ЕРБ: Як вы патрапілі на гэты фестываль?

ГМ: У мінулым годзе я быў у турнэ па Еўропе і сустрэўся з беларускім музыкай Уладзіславам Бубенам, які грае эксперыментальную музыку. Яму вельмі спадабалася мая музыка і ён прапанаваў мне прыехаць у Мінск на гэты фестываль.

ЕРБ: Ці былі вы ў Мінску?

ГМ: Не, я ў Мінску ўпершыню. І мне тут вельмі падабаецца. Людзі тут вельмі ўважлівыя  і сур'ёзна ставяцца да музыкі.

ЕРБ: Як вы ставіцеся да беларускіх музыкаў? Ці слухалі вы нашых ды-джэяў?

ГМ: Мне 43 гады і я ўвогуле не ў ды-джэйскай тэме. Я безумоўна ведаю, што слухаюць ды-джэі, але я сам не слухаю такую музыку. Звычайна я граю канцэрты ў розных месцах, такіх як невялікія мастацкія памяшканні, музеі, маленькія клубы. Сёння першы раз, калі я граю сумесна з ды-джэямі.

ЕРБ: Распавядзіце, калі ласка, пра апарат, што стаіць на вашым стале.

Фотаграф: Еўрарадыё