У Лельчыцкім раёне пакараны за п'янку трактарыст наладзіў перастрэлку

Перастрэлку наладзіў на тэрыторыі сельгаспрадпрыемства ў Лельчыцкім раёне 25-гадовы трактарыст. Напярэдадні за п'янку яго адхілілі ад працы.  Хлопец узяў паляўнічую стрэльбу і зрабіў два стрэлы - ў жняярку камбайна і ў паветра. Кіраўніцтва сельгаспрадпрыемства, з якім ён і раней канфліктаваў, на той час у гаражы не было.

Трактарыста затрымалі, супраць яго распачалі крымінальную справу. Яму пагражае ад трох да сямі гадоў пазбаўлення волі, паведамляе БелаПАН.